23 жастағы қазақстандық шабуылшы Вячеслав Швырев келісімшарт мерзімі аяқталған соң «Қайраттан» кетеді.

Вячеслав – клуб түлегі. Оның негізгі командадағы дебюті 2018 жылғы наурыз айында небәрі 17 жасында «Қызылжарға» қарсы ойында өтті. Бір айдан кейін ол ересектер футболындағы алғашқы голын «Оқжетпес» қақпасына соқты.

Швырев «Қайраттан» клуб ардагерлерінің бірі ретінде кетеді. «Сары-қаралар» құрамындағы мансабында ол 114 матч өткізіп, 30-дан астам нәтижелі әрекет жасаған. Командамен бірге Вячеслав Премьер-лига чемпионы және Қазақстан Кубогының жеңімпазы титулдарын жеңді.

«Қайрат» футбол клубы Вячеславтың еңбегін жоғары бағалайды. Оған алдағы мансабында сәттілік тілейді!