«Qai'rat» Tu'rki'i'adag'y ekіns'і oqy'-jattyg'y' ji'ynynda may'symg'a dai'yndyg'yn jalg'astyryp jatyr.
Bu'gіn joldastyq kezdesy' ai'asynda bіzdіn' komanda osy ji'yndag'y en' son'g'y matc'yn o'tkіzedі. Karlos Alos s'a'kіrtterі alg'as'qy kezdesy'de bolgari'i'alyq «Ly'dogoretspen» kezdesіp, jen'іstі julyp a'ketken bolatyn. Son'g'y mi'ny'ttarda ekі gol soqqan almatylyqtar 3:2 esebіmen basym tu'stі. Peterborlyq «Di'namog'a» qarsy ekіns'і matc'ta alty gol sog'ylyp, ten' ai'aqtaldy – 3:3. Al endі bіz aldag'y qarsylasymyz ty'raly tolyg'yraq ai'tpaqpyz.
«Vojdovats» fy'tbol kly'by Serbi'i'a astanasy Belgrad qalasynyn' namysyn qorg'ai'dy. Kly'b 1912 jyly qurylg'an. O'z alan'yndag'y matc'taryn 5 174 ko'rermen syi'atyn «Trjni' tsentar» stadi'onynda o'tkіzedі.
Osy jyldyn' basynda komanda tіzgіnіn serb Mi'los' Veseli'novi'c' ustady. Bug'an dei'іn komandany I'li'a Stoli'tsa jattyqtyrg'an, onyn' baptay'ymen «ai'daһarlar» c'empi'onatta 10 ret jen'іske jetіp, 6 ret ten' tu'stі ja'ne 10 ret qarsylasynan utylyp qaldy. Osylai's'a, komanda altyns'y orynda keledі. C'empi'onattyn' 22 matc'ynda belgradtyqtar 34 gol sog'yp, 19 dop jіbergen.
Tu'rki'i'adag'y osy oqy'-jattyg'y' ji'ynynda «Vojdovats» bіrnes'e komandamen joldastyq kezdesy' o'tkіzdі. Son'g'y matc'ynda serbter pols'alyq «Zaglabi'e» kly'bymen ten' tarqasty – 1:1. Onyn' aldynda «Vojdovats» ry'myni'i'alyq «AKS Poli'» kly'bynan utylyp qaldy – 1:2.
Qarsylastyn' sapynan jartylai' qorg'ay's'y Andri'i'a Ly'kovi'c'tі ereks'e atap o'ty'ge bolady, ol 12 matc'ta alty gol soqty. Komanda kapi'tany – 33 jastag'y jartylai' qorg'ay's'y Mi'los' Pavlovi'c', ol komandada 2014 jyldan berі o'ner ko'rsetedі. «Vojdovatsqa» son'g'y jan'a oi'yns'ysy 31 jastag'y serb s'aby'yls'ysy Marko Pavi'c'evi'c' boldy, ol bul ujymg'a greki'i'alyq «Rodos» kly'bynan ay'ysty. Kly'b oi'yns'ylarynyn' jalpy quny – 7,03 mi'lli'on ey'ro.
«Qai'rattyn'» «Vojdovatsqa» qarsy aldag'y kezdesy'і bu'gіn Astana y'aqytymen 20:00-de bastalady. Matc'ty «Qai'rattyn'» Youtube-teg'y kly'btyq telearnasynan tіkelei' efi'rde tamas'alai' alasyzdar.
