Ваит Талгаев, Құралбек Ордабаев, Әлібек Бөлешев, Михаил Гурман, Виктор Катков «Қайрат», «Динамо», «Зенит», «Пахтакордың» жас футболшыларының алдында сөз сөйледі. Олар балалардың сұрақтарына жауап беріп, ақыл-кеңестерін айтты.
Шараның арнайы қонағы, «Пахтакордың» бұрынғы шабуылшысы Шухрат Максудовқа «Қайрат» ФК бақылау кеңесінің төрағасы Боранбаев Қайрат Советайұлы алматылық клубтың естелік футболкасын сыйлады.
Балалар сонымен қатар қызықты викторинаға қатысты. Онда Nauryz Cup 2024 турниріне қатысушы клубтардың тарихына байланысты сұрақтарға жауап беру керек болды.
