Туған күніңмен, Ғафур!

Бүгін «Қайрат» ФК қорғаушысы Ғафуржан Сүйімбаев өзінің 28-ші туған күнін атап өтіп жатыр.

Жаттығу мен ойын кезінде Ғафуржан алаңда бар күшін салады, сол үшін және сенімді футболы үшін Сүйімбаев алматылық жанкүйердің махаббатына бөленді. Қазақстандық Премьер-лигада Ғафуржан өз позициясындағы үздік ойыншылардың бірі саналады, ал командада ол көшбасшылардың бірі.

«Қайрат» футбол клубының ұжымы Ғафурды Туған күнімен құттықтап, оған қор денсаулық, спортта ұзақ ғұмыр және командамен бірге үлкен жеңістер тілейді!