Қазақстан кәсіпқой футбол лигасы 2019 жылғы маусымдағы Бірінші лига 4-турының символикалық құрамын ұсынды.

Instat аналитикалық компаниясының нұсқасы бойынша ең пайдалы ойынщылар тізіміне «Қайрат-Жастардың» үш ойыншысы енді: Дінмұхаммед Жомарт, Александр Соколенко мен Еркебұлан Тұңғышбаев.

Турдың үздік қақпашысы болып Дінмұхаммед Жомарт танылды.

«Қайрат-Жастардың» қақпашысы Екібастұзда тамаша ойын көрсетті. 9 соққыны кері қайтарды, үш сейв жасады, 6 рет алға сәтті шықты – Жомарт өз қақпасына ұшқандардың бәрін ұстай алды».

Оң қанаттағы жартылай қорғаушы позициясында Александр Соколенко үздік болды.

«Соколенко қорғаныста ғана сәтті ойнамай, шабуылға да белсенді араласты. Статистикалық жетістіктері бойынша пастар дәлдігі 69% болғанын атап өтуге болады. Қарсыластың айып алаңына 4 қауіпті пас асырды, 5 рет допты тартып алды».

Турдағы үздік жартылай қорғаушылардың бірі болып тағы да Еркебұлан Тұңғышбаев танылды.

«Тұңғышбаев Екібастұзда көлемді әрі пайдалы жұмыс істеді. Ол қарсыластың айып алаңына қауіп төндіріп, әріптестерін пастармен қамтамасыз етті. Күрестің 64%-ында жеңіске жеткен, әуедегі допқа таласта 7 рет сәтті ойнады».