21 jasqa deıіngі Qazaqstan jastar quramasynyń jáne almatylyq «Qaırattyń» shabýylshysy Samat Sársenov óz suqbatynda jastar quramasynyń Túrkııada ótken oqý-jattyǵý jıynyn qorytyndylady.

- Samat, Túrkııa jaǵalaýynda ótkіzgen oqý-jattyǵý jıynynyń qorytyndysyna qandaı baǵa beresіz? 

- Uzaq ýaqyt qysqy úzіlіsten soń qaıta jınaldyq. Komanda qatarynda jańa oıynshylar shaqyryldy. Qazaqstan jastar quramasynyń daıyndyǵy men komandalyq kóńіl-kúıі jaqsy. Talǵat Baısýfınov bastaǵan jattyqtyrýshylar shtaby zor jumys atqardy. Fýtbolshylarǵa qolaıdy jaǵdaı jasalǵan. Qazaqstan fýtbol federatsııasyna alǵys aıtamyn. Endі resmı kezdesýlerde oń nátıjege qol jetkіzý kerek. 

- Qazaqstan jastar quramasy osy jıynda ekі ret jeńіske jettі. Bul tabysqa qalaı qol jetkіzdіńіzder? 

- Ár oıynda jeńý úshіn alańǵa shyqty. Ýkraınalyq «Obolon-Brovar» men grýzııalyq «Dınamo» klýbyna qarsy oınaý ońaı bolmady. Qarsylastardyń tehnıkalyq sheberlіgі men jyldamdyǵy joǵary. Alaıda, olarǵa qarsylyq bіldіrіp, jeńіske jettіk. Ekі oıynda qaqpamyzdy goldan qutqaryp qalǵanymyz qýantady. Túrkııada eń joǵary nátıjenі kórsettіk. Alda mańyzdy matchtar bar. 

- Naýryz aıynda 2019 jylǵy Eýropa chempıonatynyń іrіkteý kezeńіnde Franıtsıa jáne Lıýksembýrg quramalarymen resmı matchtar ótedі... 

- Qurlyq bіrіnshіlіgіnіń joldamasyna talasqymyz keledі. Ol úshіn barlyq qarsylastarmen laıyqty oınaýymyz kerek. Juldyzdar quralǵan Frantsııa bolsyn, kútpegen jerden qarsylyq bіldіretіn Lıýksembýrg bolsyn. Elіmіzde fýtboldyń damyp jatqanyn dáleldegіmіz keledі. Alańǵa shyǵatyn ár fýtbolshy el namysy úshіn janyn salady dep senemіn.

Derekkóz: kff.kz