«Қайрат» футбол клубы Польша құрамасының жартылай қорғаушысы Яцек Гуральскиймен үш жылдық келісімшарт жасады.
Гуральский Быдгощ қаласының «Завиша» футбол клубының тәрбиеленушісі. Ересек футболдағы мансабын 2010 жылы аталған клубтың негізгі командасында бастады.
2011 жылы хавбек Короноводан «Викторияға» ауысты, бірақ сол жылы плоцкалық «Вислаға» келді. «Висла» құрамында Яцек «мұнайшылар» үшін төрт матч өткізіп, 110 матч ойнады.
2015 жылдың жазында Гуральский «Ягелониямен» төрт жылдық келісімге қол қойды. Польшаның жоғарғы лигасындағы Яцектің дебюті 19 шілдеде Кельц қаласының «Корона» командасына қарсы ойында болды. Сондай-ақ, «Ягелония» футболкасында жартылай қорғаушы еврокубоктағы бірінші ойынды клубқа жеңіс әкелген Батумилік «Динамоға» қарсы өткізді. Еуропа Лигасының біліктілік матчы Динамолықтардың 4:0 есебімен ойсырата жеңілуімен аяқталды.
2017 жылы тамыз айында Гуральский «Лудогорцкке» қосылды. Болгарияның сегіз дүркін чемпионы құрамында талантты жартылай қорғаушы екі рет Болгария жоғары лигасының алтын медальдарын жеңіп, екі рет ел Суперкубогының иегері атанды. Сондай-ақ, «бүркіттер» құрамында Гуральский Чемпиондар Лигасында дебют жасады.
Польша ұлттық құрамасының сапында жартылай қорғаушы 2016 жылы қараша айында Словенияға қарсы жолдастық ойында дебют жасады. 2018 жылдың жазында Яцек Ресейде өткен Әлем чемпионатына қатысты. Польшаның бас командасында барлығы он үш матч өткізіп, бір гол соқты.
Яцек Гуральскийдің «Қайрат» ФК-мен келісімшарты үш жыл мерзімге есептелген.
Туған жылы: 21 қыркүйек 1992
Бойы: 172 см
Салмағы: 66 кг
Позициясы: Жартылай қорғаушы
Азаматтығы: Польша
«Қайрат» командасына қош келдің!
