Ғафуржан Сүйімбаев, Бауыржан Исламхан және Исламбек Қуат Еуро-2020 біліктілігінде 10 нәтижелі әрекет ұйымдастырды. Қазақстан құрамасының сапында қайраттықтардың есебінде 4 гол және 6 голдық пас бар.
Ғафуржан Сүйімбаев өзінің алғашқы голдық пасын Бахтиер Зайнутдиновке берді. Гафуржанның дәл берілген пасы серіктестеріне шотландиялықтарды 3:0 есебімен жеңуге көмектесті. Келесі нәтижелі пас Сан-Мариноға қарсы өз алаңымызда өткен матчта шабуылшы Бауыржан Исламханға көмек көрсеткен кезде болды. Сүйімбаев маңызды голдық пасты сырт алаңда киприотқа қарсы ойында берді. Екі голды да «Қайраттың» қапталдағы қорғаушысы Еуро-2020 іріктеу сынында Сан-Марино құрамасының қақпасына соқты.
Құраманың капитаны Бауыржан Исламхан Еуро-2020 іріктеу кезеңінде Сан-Марино құрамасының қақпасына гол соғып, өз алаңымызда Франко Варрелланың командасын ойсырата (4:0) жеңген жеңісті аяқтады. Сондай-ақ, қазіргі құраманың символы өз есебіне екі голдық пас жазды: ол Сүйімбаевқа сол матчта көмек көрсеттіп, сондай-ақ Алексей Щеткинге Сан-Мариноға қарсы матчта үшінші гол соғуға көмектесті.
Исламбек Қуат шотландиялықтарға қарсы ойында нәтижелі паспен көзге түсті. Ол кезде біздің құрама Алекс Маклиштің қарамағындағыларға қарсы ойында жарқын жеңіске жеткен. Жартылай қорғаушы «Қайраттың» экс-ойыншысы Яна Вороговскийге дәл пас беріп, ол есепті екі еселеді. Исламбек голды өз алаңымызда Сан-Мариноға қарсы өткен ойында, клуб бойынша әріптесі Ғафуржан Сүйімбаев берген пастан кейін соқты.
