Қазақстан Республикасының Суперкубогы үшін матчтың билеттері онлайн сатыла бастады, жүлдені «Астана» мен «Қайрат» сарапқа салады.
Билеттерді «Қайраттың» ресми сайтынан – fckairat.com, сондай-ақ, Zakazbiletov, Ticketon және Kassir сайттарынан сатып алуға болады.
Сонымен қатар, жақын арада билеттер «Орталық» стадион кассаларында да сатылатынын хабарлаймыз. Кассаларда сатылу уақыты қосымша айтылады.
2019 жылы «Қайрат» ФК-ның өз алаңындағы матчтарға алынған маусымдық абоненттер Суперкубок матчына да жарамды.
Естеріңізге сала кетсек, ҚР Суперкубогы үшін матч 2019 жылдың 3 наурызында Алматыдағы «Орталық» стадионда өтеді. Матчтың басталуы – 15:00-де.
