«Қайрат» бүгін Алматыда нағыз футбол мерекесін сыйлады.

«Қайрат» - «Ертіс» - 4:0

Голдар: Исаэль, 24, 58, Эсеола, 37, Аршавин, 44 

«Қайрат»: Стас Покатилов (Қ) - Ғафуржан Сүйімбаев, Шелдон Бато, Ян Вороговский - Хуан Фелипе, Акош Элек, Исламбек Қуат (67, Жуков), Бауыржан Исламхан (К) - Исаэль Барбоза (61, Эппель), Андрей Аршавин, Адеринсола Эсеола (73, Швырев)

Резерв: Владимир Плотников (Қ) - Нұралы Әліп, Александр Соколенко, Айбол Әбікен - Магомед Парагульгов 

Бас бапкер: Карлос Алос.

«Ертіс»: Никита Калмыков (Қ) (К) - Руслан Есімов (82, Жаңатұрмысов), Александр Кислицын, Милош Стаменкович, Адриан Аврамиа, Дмитрий Шмидт (64, Смаилов) - Адриан Гомес, Кирилл Шестаков, Дору Попадюк, Владимир Воменко (62, Калинин) - Карлос Фонсека. 

Резерв: Серікбол Қапанов (Қ) - Артем Попов, Мадьяр Рамазанов - Фуад Салами. 

Бас бапкер: Ойрат Садуов. 

Павлодарлық «Ертіске» қарсы матч жанкүйерлерге тамаша көңіл-күй сыйлады.

Бірінші тайм алматылықтардың жауапсыз үш голымен есте қалды: бірінші голды Исаэль Барбоза соқты, кейін кездесудің дебютанты Дерин Эсеола қанжығасын майлады. Таймның соңына таман бұған дейін екі рет нәтижелі пас берген Андрей Аршавиннің өзі де голмен көзге түсті.

Матчтың екінші жартысында «Қайрат» қорғаныста жатып алмай, павлодарлықтардың қақпасына төртінші допты салды – Исаэль Барбоза дубль жасады.

Голдар айырмашылығынан соң «Қайрат» бірнеше ойыншысын алмастырды: Эсеола алаңнан кетіп, кейін негізгі команда сапында венгриялық шабуылшы Мартон Эппель дубютін өткізді.

Артынша командалар қауіпті шабуылдар жасамай, «Қайрат» өз алаңында сенімді жеңіске жетті – 4:0.