#ҚайратАстана матчының үзілісінде «Қайрат» U-17 жасөспірімдер командасы трибуналар қошеметіне бөленіп, алаңға шықты.
Тимур Касымов пен Русланжан Раимбакиев жетекшілік ететін жас таланттар тамыз айының басында Швейцарияда өткен Helvetia Cup 2024 халықаралық турнирінде бірде-бір гол жібермей, 17 гол соғып жеңімпаз атанды.
Мыңдаған жанкүйердің алдында чемпион мәртебесін растай отырып, кубокты қайтадан көтерді.
Helvetia Cup 2024 турнирінде жігіттеріміз «Санкт-Галлен», «Винтертур», «Дейнзе», «Марсель» сияқты командаларды жеңіп, «ПСЖ»-мен тең түскенін есіңізге саламыз. Финалда жігіттеріміз тағы да турнир қожайындарымен кездесіп, 4:0 есебімен сенімді түрде жеңді.
Біз сендерді мақтан тұтамыз! Мұнымен тоқтап қалмаңдар!
