Тимур Санжарұлы Сегізбаев атындағы Академия қабырғасында «Қайрат» негізгі командасының физиотерапевтері Фелипе Мейра мен Диого Лейте клубтың медициналық қызметкерлеріне лекция өткізді.

Бразилиялық мамандар қызметкерлерге заманауи медицинадағы жаңалықтар мен футболшының жылдам қалпына келу әдістерін айтты. Лекцияға теориялық және практикалық сабақтар енді. Сонымен қатар, ерекше атап өтер жайт, физиотерапевт Фелипе Мейраның медицина саласындағы жұмыс тәжірибесі мол, ол ұзақ уақыт бойы Испанияда спорт медицинасы бойынша халықаралық курстарда тәлім алған.