Бүгін Т. С. Сегізбаев атындағы Академияда «Қайрат» футбол клубының жаңа тәрбиеленушілерінің дәстүрлі ант қабылдау рәсімі өтті.

Шара Қазақстан Республикасының Мемлекеттік әнұраны орындалып басталды. Ол бүкіл шараның көркін ашты.

«Қайрат» ФК Бақылау кеңесінің төрағасы Қайрат Советайұлы Боранбаев сөз сөйледі. Ол тәрбиеленушілер мен олардың ата-аналарына өмірлеріндегі айтулы кезеңіне байланысты құтты болсын айтты. Қайрат Советайұлы балаларға «Зенит» футбол клубының барлық ойыншысының қолтаңбалары жазылған естелік Нұралы Әліптің жейдесін сыйға тартты. Қазақстан құрамасының қорғаушысының Академиядағы жүріп өткен жолын есіне алып, балаларға оның жолын берсін деп тіледі.

Келесі кезекте клуб ардагерлері – Ваит Талгаев, Асқар Қожабергенов пен Виктор Катков балаларды футбол жолының басталуына байланысты құттықтап, клубтың тамаша дәстүрлерін еске салып, олардың терең тарихы бар команданың бір бөлігі болғандарын атап өтті.

Салтанатты шараға клубтың негізгі командасының өкілдері – бас бапкер Рафаэль Уразбахтин, сондай-ақ ойыншылар Андрей Ульшин мен Әділет Садыбеков қатысты. Олар бір кездері өздерінің Академияда ант қабылдағанын есіне түсіріп, жас футболшыларға аянбай еңбек етіп, табысқа жетуге талпынсын деп тіледі.

Биыл Академияға Қазақстанның түкпір-түкпірінен келіп түскен 40 жаңа тәрбиеленуші ант қабылдады. Салтанатты шарадан кейін оларға естелік клуб төсбелгілері табыс етілді.