«Қайрат» жастар командасының шабуылшысы Нұрдәулет Ағзамбаев «мұнайшыларға» қарсы матчта покер жасады. «Атырау Ж-мен» ойынның нәтижесі жайында шабуылшы клубтың ресми сайтына айтып берді.

- Нұрдәулет, жеңіспен құттықтаймыз! Айтшы, 7:1 – команда үшін күтпеген нәтиже ме әлде команда осындай ірі жеңіс боларын күтті ме?

- Рақмет. Команданың осы ойынға дайындығы мен жігерін ескерер болсақ, осындай нәтижені күттік деуге болар. Біз қарсыластың ойынын жақсы зерттедік және осы ойынға толық дайын болдық.

- Сен үшін матч ерекше өтті: покер авторы атандың, ойыннан кейін қандай сезімде болдың?

- Төрт гол соққаным үшін өте қуаныштымын. «Атырау» қақпасына жасаған покерім – бүкіл команданың еңбегі. Әр матчта көп гол соғуға тырысамын.

- Біз «Ақжайықты» жеңген өткен матчпен салыстырғанда қандай қорытынды шығарылды?

- Иә, біз ойынды талдадық. «Ақжайықтан» төрт гол жіберу біз үшін жағымсыз болды. Қатемен жұмыс істеп, қорғаныста тығыз әрі агрессивті ойнадық.