«Қайраттың» жас орталық қорғаушысы Нұралы Әліп қызылордалық «Қайсарға» қарсы матчты бірінші минуттан бастады. Ойын нәтижесі туралы ойыншы клубтың баспасөз-қызметіне айтып берді.

- Қажетті нәтижеге қол жеткізіп, маңызды үш ұпайға қол жеткізгенімізге қуаныштымыз. Осындай ыстықта бір нәрсе көрсету қиын болды, бірақ біз мінез көрсетіп, матчтың соңғы секундтарында жеңісті жұлып әкеттік.

Бізге ұпайлар жинап, өз мақсатымыздан таймау қажет. Бізде мықты команда құралған, жанкүйерлерді қуанта беруге тырысамыз.