Бүгін «Қайраттың» атақты экс-қақпашысы Александр Убыкин 70 жасқа толып отыр.
Айта кетейік, 2023 жылғы Қазақстан OLIMPBET-Чемпионатының 4-ші туры Александр Убыкиннің құрметіне өтеді.
Александр Сергеевич «Қайрат», «Трактор» (Павлодар) және РШВСМ (Алматы) сапында ойнап, танымал болды. Жалпы отандық клубтар сапында 300-ге жуық матч өткізді.
«Қайратпен» бірге Убыкин КСРО чемпионатының Бірінші лигасын екі рет жеңді.
Бапкер ретінде РШВСМ (Алматы), «Қайрат», «ЦСКА-Қайрат», «Цесна», «Алма-Ата» және «Бәйтерек» клубтарында қызмет атқарды.
