«Қайраттың» шабуылдаушы жартылай қорғаушысы Андрей Аршавин Премьер-лига бас бапкерлері мен ойыншыларының пікірінше мамырдың үздік ойыншысы атанды.
Sports.kz спорт порталында өткен сауалнамада «сары-қаралардың» шабуылдаушы жартылай қорғаушысы қатарынан екінші ай дивизионның ең үздік футболшысы болып танылды.
Сауалнама қорытындысы бойынша Аршавин 25 ұпай жинады. Екінші орындағы Марин Томасов («Астана») 20 ұпай еншіледі. «Қайраттың» жаңа ойыншысы Адеринсола Эсеола 18 ұпаймен үздік үштікті түйіндеді. Мамырда Андрей Аршавин 6 матчқа қатысып, 1 гол мен 2 нәтижелі пас авторы атанды.
