Қазақстан кәсіпқой футбол лигасы Премьер-лига екінші турының символикалық құрамын ұсынды. Ол InStat компаниясының статистикалық сараптамасы негізімен құрылды. Өткен турдағы ең пайдалы  ойыншылары қатарына «Қайраттың» орталық қорғаушысы Нұралы Әліп те енді. 

«Өткен жұмада 19 жастағы Әліп «Қайрат» құрамындағы үздік ойыншылардың бірі болды. Пастарының дәлдігі – 82%, төменде 15 және әуеде 8 жекпе-жекте жеңіске жеткен, 5 рет допты «таза» тартып алды, 15 мәрте қарсыластың пасына бірінші жеткен. Осы статистиканың өзі «Қайраттың» жеңісіне қосқан үлесін айқын көрсетіп тұр».