«Қайраттың» тәрбиеленушілері Краснодарда оқу-жаттығу жиынын өткізіп жатыр.

Қазақстандағы жетекші Академияның екі командасы Ресейдің ең үздік Академиясына жиынға аттанды. Қысқы кезеңге қарамастан, 26 қараша мен 3 желтоқсан арасында «қайраттықтар» жаттығу жұмыстарын өткізіп, «Краснодардағы» құрдастарымен кездеседі.

Бүгін командалар арасындағы алғашқы матчтар өтті. «Қайрат-2002» командасы қарсыласын сенімді жеңді – 4:2, Айбар Құсайынов, Арман Алтаев, Байжан Маделхан және Сергей Мусоров гол соқты.

Ал 2003 жылғы тәрбиеленушілер 1:3 есебімен жеңілді, алматылықтар сапындағы жалғыз голды Арсений Мелещенко салды.