Қазақстан кәсіпқой футбол лигасы Премьер-лига маусымының 25-ші турының үздіктер құрамын таныстырды. Оған «Қайраттың» жартылай қорғаушысы Конрад Вржещинский кірді.
Конрад Вржещиньский өткен турдың үздік оң жақ жартылай қорғаушысы атанды.
«Вржещиньский Қарағандыдағы ең үздіктердің бірі болды және де команданың пәрменді шабуылдарының басты катализаторы рөлін өз мойнына алды. Ол үш соғылған допқа қатысып – ассистенттік дубль жасады және де матчтағы соңғы голды соқты. Сондай-ақ, поляк үш допты ұстап қалып, 6 іріктеу жинады және 67% дәлдік пасқа ойнады. Іс-әрекет индексі-280».
