«Қайрат-Жастар» тәлімгері Кирилл Морунов біздің сайтқа берген сұхбатында Ташкенттегі команданың ОЖЖ маңыздылығы туралы айтып берді, сондай-ақ түркияда өткен жиынды, Алматыда өткен өз шәкірттерінің жолдастық ойындарын қорытындылады.
- Кирилл Сергеевич, сіздің командаңыз қорытынды жиында екі матч өткізді. Бұл ойындарды қалай бағалайсыз?
- Екі матч та жақсы әсер қалдырды. Біз жергілікті «Локомотивтің» дублін 3:0 есебімен жеңдік. Бұл жастар командалары арасындағы Өзбекстанның қазіргі чемпионы. Бұл сәтті бастау болды. Кеше біз Өзбекстанның бірінші лигасында ойнайтын «Рубин»командасымен ойнадық. Онда тең ойын тіркелді. Екі ретте де сапасы төмен жабындыда ойнағанымызды атап өткім келеді. Бұл да ойынға өз түзетулерін енгізді. Жалпы біздің штаб команданың ойынына риза болды. Әрине, жұмыс істейтін жерлер бар. Бұл ОЖЖ біз басты дайындық деп атаймыз. Жақында еліміздің бірінші лигасында ойынды бастаймыз. Мұнда біз тағы төрт кездесу өткіземіз: фарм-клуб, «Бунедкор» дублімен және дәл осындай «Пахтакор» командаларымен. Содан кейін біз Алматыға оралып, бірінші турға дайындаламыз.
- Сіздің ұжымыңыздың Түркияда өткізген жиынын еске түсірейік. Сіздің көзқарасыңызбен жиын қалай өтті?
- Бірден оның өте жақсы жағдайда өткенін атап өткім келеді. Қонақ үй, алаңдар, спаррингтер. Барлығы өте жоғары деңгейде болды. Басшыларға, жиынды ұйымдастырғандарға үлкен рахмет. Сондай-ақ, ойындарда біздің ойыншыларымыз қазіргі кезде өте қажет ойын тәжірибесін алып, жақсы қарсыластарға қарсы тұрғанын атап өткім келеді.
- Түркияда өткен жиындағы ең қиын қарсыласыңыз қай команда болды?
- Мүмкін, Омбы қаласынан «Ертіс» командасы. Бұл ОЖЖ-ғы бесінші матч болды, физикалық жақтан команда үлкен қысым астындаболды. Сонымен қатар, біз есе жібердік. Бірақ бұл жақсы деңгейдегі команда. Өз аймағының көшбасшысы. Келесі маусымда ол Ресейдің бірінші лигасында ойнайды. Бізге тәжірибелі және ойын тәжірибесі мол қарсылас қарсы тұрды, олар бізге қажырлы жұмысты қажет ететін әлсіз тұстарымызды көрсетті. Сондықтан да бұл пайдалы матч болды.
- Біздің команда түркияда «Краснодар»мен «Зениттің»жастар командаларына қарсы ойнады. Қай команда көбірек есте қалды?
- Бұл екі ұжым - біз үшін екі жақсы «тітіркендіргіш» десе де болады. Аттары шыққан екі клуб. Екеуінде де жақсы академиялары бар. «Краснодармен» өткен матч туралы айтатын болсақ, жігіттер екі есе мотивацияда болды. Краснодарлықтарға қарсы кездесулер әрдайым қызықты. Жас футболшылар ойнаған кезде де және жасы үлкен балалар ойнаған кезде де... Біз үшін бұл классикалық қарсыластық болып кетті. Матчқа келетін болсақ, жігіттерде жеңіске деген үлкен ықылас болды. Ойынға негізгікоманданың бапкерлері, клуб президенті қатысты. Қосымша ынталандыру болды. Әр ойыншы өзін көрсетуді армандады. Үзіліске дейін біз үш гол соғып, ойынның қорытындысын шығара алатын едік, бірақ біз үзіліске екі доп басымдығымен кеттік, ал екінші таймда қарсыластарға айырмашылықты жоюға мүмкіндік беріп қойдық. Ойынның соңында команданың үшінші допты соққанына қуандым, жеңісті жұлып алдық десек те болады. Осындайымен де жеңіс құндырақ. Менің ойымша, біз сол күні өте қатты жеңіске жеткіміз келді.
- «Зенит-2» командасымен басқаша болды ма?
- Бұл басқа деңгейдегі қарсылас. Егер «Краснодар»жастар құрамында құрдастарымыз ойнаса, «Зенит-2» құрамында бірінші лигада өнер көрсететін тәжірибелі ойыншылар жиналды. Біз 1:2 есебімен есе жібердік, алайда, тең ойын көрсетуге де мүмкіндік болды. Біз бірінші болып гол салуға жақсы мүмкіндік алдық, бірақ нәтижесінде өзіміз гол жіберіп алдық. Содан кейін есепті теңестірдік. Дегенмен, қарсылас екінші голды соға алды. Біз, сонда да футболшылардың матчта өздерін көрсеткенойын сапасынариза болдық.
-Ташкентке ұшар алдында «Қайрат-Жастар» негізгі командаға қарсы матчтар өткізіп, сондай-ақ«Қызыл жарға»қарсы ойнады. Бұл ойындар туралы не айтасыз?
- Бірінші командаға қарсы екі матч та өте пайдалы болды. Ойлаңызшы, кеше ғана «Қайрат-Жастар» ойыншылары «Орталықта» негізгі ойыншыларға доп беріп тұрған еді, ал енді оларға қарсы ойнауға мүмкіндік алып отыр. Жігіттер үшін бұл үлкен сынақ. Стадион мінбесінен көріп жүрген адамдарға қарсы қалай ойнауға болады? Эмоционалдық тұрғыдан бұл маңызды болды. Балалар өздерін лайықты деңгейде көрсете білді,барлығы жақсы көрінді. Қандай қарқынға ұмтылу керектігін, қандай қарқындылыққа ұмтылатынын көру пайдалы болды. Біздің команданың барлық ойыншылары үшін басты мақсат бұл негізгі командаға, «Қайраттың» құрамында ойын көрсету. Мұндай матчтар көп болады деп үміттенеміз. «Қызыл-жарға» келетін болсақ, біз 2019-жылдың бірінші лигасының чемпиондарымен өтетін ойынға қуана келістік. Қазір жоғары дивизионда ойнайды және оларға ойын тәжірибесі қажет болды. Біз ұсынысқа келістік, өйткені әр матч – бұл команданың дамуы үшін үлкен қазына. Біз 1:1 есебімен тең ойнадық, лайықты деңгейде көріндік, бағалы тәжірибе алдық. Жақында ғана біздің футболшыларымыз дайындық тобының командалары арасында ойнады,ал енді ересектер командаларына қарсы тұрады. Бұл тұрғыдан «Қызыл-Жар»бізге көмектесті. Екінші таймда біз болмашы голды жіберіп алдық,бірақ бірден есепті теңестірдік. Жігіттер әр матчтан нәтиже алуды үйренулері керек. Сондықтан да, осы спарринг бұл тұрғыда өте пайдалы болды.
