«Қайрат Ж» бас бапкері павлодарлық «Ақсуға» қарсы матчтың нәтижесі туралы пікірін айтты.
- Қиын, бірақ өте қызық біріншілік болып жатыр. Ойын көп, сырт алаңдағы ойындарға көп шығамыз және толық жаттығу жұмысын жасауға уақыт аз, сондықтан ойыншылардың кәсіби көзқарасы өте маңызды. Турнир кестесінде соңғы жақта келе жатқан командаға қарсы ойында ұпай жоғалтпауымыз керек болды. Жеңіске қуаныштымыз, бірақ ойын турасында мәселелер бар, солар бойынша жұмыс істеп, жақсартуымыз қажет. Ойынға келер болсақ, қарсылас көп нәрсе жасауға мүмкіндік берді, гол соққанымыз қуантады, бірақ гол жібергеніміз көңілді қалдырады. Алда мықты қарсыластармен қызықты матчтар бар, дұрыстап дайындалып, ойыншылардың даму үрдісін жалғастырамыз.
