«Қайрат» бас бапкері «Тобылды» жеңгеннен кейін (2:1) журналистердің сұрақтарына жауап берді. 

– «Тобылдың» барлық матчын көретін болсаңыз, онда олар кімнің шыққанына қарамастан әрқашан бірдей ойнайды. Кейбір ойыншылардың деңгейі жоғары, ал қалғандарыныкы төменірек. Бұл ойынға әсер етеді. Шыны керек, бізге қарсы 5 легионер, ЕЭО-дан 4 ойыншы және 2 қазақстандық шықты. Олардың ротация жасағанына мүлде мән бермейміз. Ең алдымен, ойынымыз өзімізге ғана байланысты. Құрамымызды жиі өзгертеміз, өйткені жаттығуға қарап, барлығына ойнауға мүмкіндік береміз. 

– Олардың командасын, ойыншыларын жеке-жеке талдадық. Дебленің белгілі бір қасиеті бар білікті әрі жақсы футболшы екені анық. Алаңға шыққанда оның өте жылдам ойыншы екенін байқадық. Маки мен Сашаға оған қарсы қатал ойнауды айттым. 

– Виктор – командамыздың жүйе құрушы ойыншысы. Жұма күні ол жалпы топта бірінші жаттығу жасады, ал кеше таңертең ол жеке дайындалды. Киім ауыстыратын бөлмеде, қосалқыда командамен бірге болады деп шештік. Ол жігіттерге қолдау көрсетіп, кеңес айтып отырады деген жоспар болатын. Бірақ оның алаңға шығуын бастапқыда жоспарлаған жоқпыз. Ол өте ауыр жарақат алды, тіпті аяғы сына жаздаған. Айығуы біраз уақыт алады. 

– Өкінішке қарай, Ақтөбеде Андрей аяғын сындырып алды. Қалпына келуі үшін кемінде бір ай қажет. Алаңға жиі шығып, ойынымызды күшейтетін ойыншы. Біз оның алаңдағы жоқтығын сезетін боламыз. 

– Ол бізбен бірге екі рет сырт алаңдағы ойынға ұшты. Жағдайға байланысты оның шығуға мүмкіндігі болмады. «Қайрат-Жастар» ойыншыларының барлығына көңіл бөліп, оларды жаттығуға жиі тартамыз. 

– Бұл қарсыласқа бейімделу емес еді. Әрекетіне деген реакциямыз болды, кейбір нәрселер көңілімізден шықпайды, бірақ бұл қалыпты жағдай. Әділет – біздің команда үшін өте маңызды ойыншы. Ол бірінші рет алаңға негізгі құрамда шықпады. Қазір ең жақсы қорғаныс жартылай қорғаушылар – Офри мен Дима деп таныдық. Адиктің шығып, бізді күшейтіп, сенімділік қосатынын шамамен түсіндік. 

– Барлығы өзіне байланысты. Бұл туралы талай рет айтқанбыз. Ол өмірде не қалайтынын түсініп, өмірде кім болғысы келетінін шешуі керек. Ол мұны түсінген соң, біз де оны түсінетін боламыз. Қазіргі уақытта, менің түсінуімше, ол өмірінде аздап шатасып, кім болғысы келетінін толық түсінбей жүрген сияқты. Немесе ол кім болғысы келетінін түсінеді, бірақ оған жету үшін қандай бағыт керегін түсінбейді. Менің ойымша, футбол – бұл күнделікті еңбек. Ол кәсіби футболшы болуды үйренуі керек. Бұл оңай емес.