«Қайраттың» бас бапкері Кирилл Кекер Қазақстан OLIMPBET-Чемпионатының 12-туры аясында «Оқжетпеске» (2:1) қарсы өткен ойынға қатысты пікір білдірді:

– Стадионға келген адамдарға көп рақмет айтқым келеді. Командамызды жеңісті күндерде ғана қолдамай, ойынымыз жүрмейтін кездерде де жанкүйер болып жүргендеріңіз маңызды. Бізге қолдауларыңыз қажет! Ойындарымызға көп адам келсе екен деймін.

– Матч соңында «Оқжетпестің» көп қысым жасағаны байқалды. Бұл сіздің қорғанысқа берген нұсқауыңызға байланысты ма, әлде олар сол сәтте функционалдық жағынан басым болды ма?

– Мәселе «Оқжетпесте» емес, өзімізде. Өкінішке қарай, өз ойынымызды ойнамадық, салдарынан қорғанысқа жатып қалдық.

– Ульшинді амал жоқ ауыстырдыңыз ба?

– Бүгін жасалған ауыстырулардың барлығы ойынға қатысты. Бірінші таймда Андрейдің ойынына көңіліміз толмады.