Халықаралық турнир Швейцарияда 8-11 тамыз аралығында өтті.
Топтық кезеңде Академиямыздың командасы швейцариялық «Санкт-Галленді» (2:0), бельгиялық КМСК Дейнзені (5:0), швейцариялық «Винтертурды» (3:0) ұтып, француздық ПСЖ-мен (0:0) тең түсті. Осылайша, «сары-қаралар» топтан бірінші орын алып шықты.
Жартылай финалда «қайраттықтар» француздық «Марсельмен» кездесіп, 3:0 есебімен басым түсті.
Турнирдің финалы да қызықты өтті. Жігіттеріміз тағы да «Санкт-Галленге» қарсы ойнап, тағы бір тамаша ойын көрсетіп, жауапсыз төрт гол соғып, көксеген жүлдені төбелеріне көтерді!
6 матч
17 гол соғылды
0 гол жіберіп алды
Біз ойыншыларымызды, сондай-ақ жаттықтырушылар құрамы – Тимур Касымовты, Русланжан Раимбакиев пен Кирилл Кекерді осы тамаша табысқа жеткені құтты болсын дейміз!
Алға, «Қайрат»!
