«Қайрат» ФК мен «Зенит» арасындағы ынтымақтастық келісімі аясында 2009 жылғы командамыз КСРО-ның еңбек сіңірген бапкері Юрий Морозовты еске алуға арналған халықаралық жасөспірімдер турниріне қатысады.
Жарыс 22-25 тамыз аралығында Санкт-Петербург қаласында (Ресей) өтеді.
Турнирге бес түрлі елден 6 команда қатысады: «Қайрат», «Зенит», «Флуминенсе», «Депортиво Гвадалахара», Беларусь құрамасы мен Ресей құрамасы.
Турнир форматы айналым жүйесі бойынша болады. Командалар біріншіден алтыншыға дейінгі орындар үшін таласады.
Ойын ұзақтығы – 60 минут (2 таймнан 30 минут).
