«Qaırat» OJJ-daǵy sońǵy matchyn ótkіzdі.
«Qaırat» - BATE – 1:3
Goldar: Islamhan (pen), 51 — Dragýn, 15, Ivanıch, 53, Fılıpovıch, 58
Alańnan qýyldy: Islamhan, 84
«Qaırat»: Stas Pokatılov, Ǵafýrjan Súıіmbaev (58, Vorogovskıı), Sheldon Bato, Sedrık Gogýa (46, Álіp), Eldos Ahmetov (67, Sokolenko), Islambek Qýat (67, Ábіken), Georgıı Jýkov (58, Assýlın), Akosh Elek (58, Paragýlgov), Andreı Arshavın, Isael Barboza (67, Shvyrёv), Ýgo Sılveıra
Borısovtіkterge qarsy matchpen «Qaırat» Belektegі oqý-jattyǵý jıynyn aıaqtady. Alda almatylyqtardy jańa maýsym men astanalyqtarǵa qarsy Qazaqstan Sýperkýbogynyń matchy kútіp tur.
«Qaırattyń» negіzgі quramynda taǵy da ózgerіster boldy,. Búgіn týǵan kúnіn atap ótіp jatqan Baýyrjan Islamhan oıyndy qosalqy quramnan bastady. Sonymen qatar, túrlі sebepterge baılanysty Ivo Ilıchevıch, Chýma Anene men Vladımır Plotnıkov bul oıynǵa qatysqan joq.
Matchtyń basynda «Qaırat» oıynshylary dopqa ıelіk ettі. Alǵashqy qaýіptі shabýyl da BATE qaqpasyna jasaldy – Isael alystan soqqy baǵyttap kórgen. Alaıda dop mańdaıshadan sál ǵana bıіk kettі.
Al borısovtіkter alǵashqy múmkіndіgіn oryndaı aldy. Belorýstardyń oıynshysy Stanıslav Dragýn alystan jerlete soqqy jasap, Pokatılov qaqpasynan sańlaý tapty – 0:1. Artynsha «Qaırat» BATE qaqpasynyń syryn tabýǵa tyrysqan, alaıda úzіlіske deıіn eseptі teńestіre almady.
Matchtyń ekіnshі jartysynda qarsylastardyń oıynshysy ózіnіń aıyp alańynda oıyn tártіbіn buzyp, matchtyń bas qazyny BATE qaqpasyna on bіr metrlіk aıyp soqqysyn belgіledі. Baýyrjan Islamhan múlt ketpedі – 1:1.
Bіrneshe mınýttan soń Ivanıch «Qaırattyń» qorǵaýshysynan sytylyp ótіp, óz komandasyn alǵa shyǵardy. Kelesі shabýyldardyń bіrіnde borısovtіkter eseptegі basymdyǵyn ulǵaıtty – 1:3, kózge túsken Fılıpovıch.
Artynsha komandalar tablodaǵy kórsetkіshtі ózgerte alǵan joq. «Qaırattyń» Belektegі oqý-jattyǵý jıyny aıaqtaldy, endі komanda Almatyǵa oralady.
