«Қайрат» жастар командасының қорғаушысы Иван Сизов «Ақтөбе Ж» командасына қарсы матч нәтижесі жайында ойын айтты.

- Матч өте қиын болды, батыста ойнау қашан да оңай емес. «Ақтөбе» сияқты командалармен матчта күрес сапасы алдыңғы қатарға шығады. Мұндай алаңда комбинациялық футбол ойнау өте қиын, сондықтан екі командада да мүмкіндіктер аз болды. Өз сәттерін кім пайдаланды, сол жеңді.

- Алдыңғы екі турда қарсылас қақпасына 14 гол соққан едік, ал бұл ойында гол сала алмадық. Оның себебі неде?

- Себебі жоқ. Матчтар әртүрлі болады, біз матчты сараптамадан өткізіп, одан әрі қарай жылжи береміз. Алда «Тобылға» қарсы өте маңызды ойын күтіп тұр. Жеңіске жетіп, Алматыдағы жеңіліс үшін реванш алуға тырысамыз.