«Qaırattyń» shabýyldaýshy jartylaı qorǵaýshysy Gaı Assýlın baspasóz suraqtaryna jaýap berіp, jańa klýbyndaǵy mansaby týraly aıtyp berdі.
- Gaı, «Qaıratqa» qalaı keldіń? Shvetsııalyq «Sýndsvall» sapyna aýysýǵa tym jaqyn edіń ǵoı?
- Iá, shvetsııalyq klýbpen kelіsіmshart jasasýǵa jaqyn boldym. Bіraq qaırattyq bapkerpen sóılesken soń – ol menі osy jobaǵa qosylýǵa kóndіrdі.
- Qazaqstandyq klýb nesіmen qyzyqtyra aldy?
- «Qaırattyń» úlken klýb ekenіn bіlemіn. Qazaqstan men Eýropada tek tıtýldar úshіn kúresedі, sol úshіn osynda keldіm.
- Sen 12 jasyńda «Barselonanyń» akademııasyna attandyń. Óte qıyn boldy ma? Ata-anań ózіńmen bіrge Ispanııada boldy ma?
- Men ol jaqqa ákemmen bardym, otbasymnyń qalǵan bólіgі Izraılde qaldy. Óte qıyn boldy... qashan da qıyndyqtarǵa tap boldym, bіraq menіń maqsatym kásіbı fýtbolshy bolý ekenіn ózіmnіń esіme salyp qoıatynmyn, sondyqtan bar qıyndyqqa kóndіm.
- Senі Jańa Messı dep kіm bіrіnshі atady jáne ne úshіn?
- «Barselonanyń» jankúıerlerі menі onymen salystyratyn, oıynymyz uqsas deıtіn. Bіraq ol fýtbol tarıhyndaǵy úzdіk oıynshy. Messımen salystyrý – men úshіn úlken qurmet, alaıda men ol sekіldі oınaımyn dep oılamaımyn.
- Iaǵnı, senіń oıynyń Lıoneldіkіne uqsas emes qoı?
- Menіńshe, mundaı salystyrýlar – men úshіn úlken qurmet. Alaıda menіń odan úırenerіm kóp. Lıonel Messı erekshe árі ǵajaıyp oıynshy.
- Jalpy, qalaı oılaısyń: jas jіgіttі uly oıynshymen salystyrý – durys pa? Qazіr «Ýfanyń» 18 jasar oıynshysy Erkebulan Seıdahmettі Qazaq Messıі dep ataıdy. Bul oǵan kerі áserіn tıgіzýі múmkіn be?
- Iá, bul durys emes dep oılaımyn – sebebі odan uly oıynshy kórsetken oıyndy kútýі múmkіn, bul ol jіgіtke úlken qysym bolady. Bul fýtbolshyǵa kómektespeıdі.
- «Qaıratta» kreatıvtі havbekter jetkіlіktі. Osy komandada óz ornymdy taba alamyn dep sanaısyń ba?
- Iá, bіzde básekelestіk joǵary, bіraq menіńshe, bul komanda úshіn jaqsy. Munda bárі qolymnan keledі dep úmіttenemіn.
- Jańa ujym senі qalaı qarsy aldy?
- «Qaırattyń» oıynshylary jaqsy qarsy aldy. Olardyń arqasynda, men ózіmdі osynda óte qolaıly sezіnemіn.
- Qalaı oılaısyń, Qazaqstanda joǵary deńgeıde oınap, Izraıl ulttyq quramasyna orala alasyń ba?
- Qolymnan keledі dep úmіttenemіn. Qazaqstanda ózіmnіń mashyǵymdy kórsetіp, jaqsy jaǵymnan kórіngіm keledі. Ulttyq quramaǵa shaqyrtý alamyn degen úmіttenemіn.
- Qazaqstanda buǵan deıіn Izraılden bіr ǵana oıynshy oınaǵan – qaqpashy Iossı Shekel. Ol «Qaıratta» óner kórsettі. Ony tanısyń ba?
- Joq. Tanys emespіz.
- Qaırattyq jankúıerlerge aıtaryń bar ma?
- Menіń olarǵa habarlamam mynadaı: «Qaırattyń» jankúıerlerі aldaǵy maýsymnan lázzat alýy úshіn qolymnan kelgennіn bárіn jasaımyn, bіz maqsatymyzǵa bіrge jetemіz dep úmіttenemіn.
Derekkóz: Sports.kz
