Алдағы матчтың төрешілер бригадасы анықталды.
Қазақстан кубогы жартылай финалы аясындағы қарымта матчта «Қайрат» сырт алаңда павлодарлық «Ертіспен» кездеседі. Ойында оралдық Денис Тевяшов төрелік етеді. Оған алаң жиегінде Виталий Дерцапф (Орал) пен Денис Виноградов (Петропавл) көмектеседі.
Қосалқы төреші – Григорий Московченко (Павлодар). Матчтың инспекторы қызметін астаналық Қасымжан Мәдиев атқарады. Матч 27 маусымда 19:00-де Павлодар қаласында өтеді.
