УЕФА Еуропа лигасының бірінші іріктеу кезеңіндегі алғашқы қарсыласымыз анықталды, ол андорралық «Энгорданы» клубы болады.

Алғашқы кезеңде «Энгорданы» сан-маринолық «Фольгоре» клубымен кездескен. Бірінші матчта андорралық ұжым өз алаңында қарсыласын 2:1 есебімен жеңді. Ал қарымта ойын тең есеппен аяқталды – 1:1. Екінші матчта «Фольгоре» өзінің голын 86-минутта соғып, сырт алаңдағы голдың арқасында келесі кезеңге өтуге жақын болған. Алайда «Энгордани» қарсыластың автоголының арқасында матчтың 96-минутында жеңілістен құтылып, бірінші кезеңге жолдама алды.

Командалар арасындағы алғашқы матч 12 шілдеде Андоррада өтеді. Қарымта кездесу бір аптадан соң, 19 шілдеде Алматыда болады.