«Қайраттың» ресейлік жартылай қорғаушысы матчтан кейінгі баспасөз мәслихатына қатысып, журналистердің сұрағына жауап берді.

– Бұл ойынға деген дайындық қалай болды? Осы ойында өзіңізге қандай баға берер едіңіз?

– Рақмет. Ойынымды бапкерлер, жанкүйерлер бағалар. Ал менің пікірім өзімде қалады. Матчқа келетін болсақ, әрине, мен үшін принципиалды ойын болды. Мен «Зенит» академиясының түлегімін. 6 жасымнан бастап клуб құрылымындамын. Мен үшін маңызды кездесу болғаны анық. Расында, Алматыда осындай футбол мерекесі өткеніне қуаныштымын.

– «Зениттің» бапкерлер құрамымен ойының немесе санкт-петербургтік клубқа қайта оралуың туралы сөйлестің бе?

– Жоқ, біз жай амандасып, қал-жағдайымызды сұрадық. Қайту туралы әңгіме болған жоқ. Барлығы ойынға дайындалып жатты.