Т.С. Сегізбаев атындағы «Қайрат» ФК Академиясының мәжіліс залында тәрбиеленушілердің «сары-қаралардың» ардагерлерімен дәстүрлі кездесу өтті.
Бұл жолы жас ойыншыларға Диас Омаров пен Владимир Гулямхайдаров қонаққа келді. Құралбек Ордабаевпен бірге олар «Қайраттағы» ойындары туралы және де футболдан кейінгі мансаптары қалай болғандығы туралы әңгімелесті.
Диас Ілиясұлы Омаров өзінің спорттық мансабын аяқтағаннан кейін қалай әйгілі комментатор болғаны туралы айтып, Владимир Алексеевич Гулямхайдаров бапкерлік мансабындағы оқиғаларымен бөлісті.
