«Қайрат» жастар командасының жартылай қорғаушысы Данияр Үсенов «Алтай Ж-ға» қарсы матч нәтижесі туралы айтты.
- Жалпы, ойын толығымен біздің бақылауымызбен өтті. Бізде де, қарсыласта да қауіпті сәттер көп болды. «Алтай Ж» қарымта шабуылға иек артты. Гол соғып, өз командамның жеңісіне үлес қосқаным үшін қуаныштымын.
- Осы матчтан кейін «Ертіске» қарсы сырт алаңда ойын өтеді: тек жеңіске жетуге ғана жігерленесіңдер ме?
- Иә, тек қана жеңіс. Команда ойынға толығымен дайын. Қазір ұпай жоғалтпау өте маңызды.
