«Қайрат-Жастар» қақпашысы Данил Устименко Бірінші лиганың 2019 маусымының үздіктер құрамасында қақпашының позициясына ие болды.

Данил Устименко маусым кезінде Бірінші лиганың үздіктер құрамасына үш рет кірді. Жалпы ол «Қайрат-Жастар» үшін 14 ойын өткізді. Олардың сегізінде дарынды голкипер өз қақпасын құрғақ сақтап қалды. Керемет нәтиже!

«Перспективті қақпашы Устименко қазірдің өзінде тамаша ойын көрсетіп, жоғары деңгейдегі футболшы болуға барлық қасиеттерге ие. 19 жасар «Қайрат-Жастар» қақпашысы қақпаны 8 матчта сақтап қалды. Жалпы алғанда, ол 53 соққыға тойтарыс беріп, 19 сейв жасады және 96 рет шығуда сәтті ойын көрсетті (тиімділік 90%). Орташа әрекет индексі-214. ҚКФЛ үздіктер құрамасына 3 рет кірді».