Almatylyq «Qaırattyń» ortalyq qorǵanysynda byltyrǵy maýsymda Trınıdad jáne Tobago ulttyq quramasynyń ortalyq qorǵaýshysy Sheldon Bato óner kórsetken bolatyn. 2017 jyldyń jeltoqsanynda «Qaırat» reseılіk «Krylıa Sovetovpen» oıynshyny jalǵa alý merzіmіn uzartty, endі qorǵaýshy «sary-qara tústіler» sapynda qala beredі. 

24 aqpanda negіzgі komandanyń túrkııalyq jıyndary máresіne jettі, endі almatylyq ujym «Astanaǵa» qarsy Qazaqstan Sýperkýbogynyń matchyna daıyndalady. 

«Túrkııadaǵy oqý-jattyǵý jıyndarynda fızıkalyq kondıtsııa boıynsha jumys oıynshylar úshіn de, bіzdіń shtab úshіn de jaqsy óttі dep oılaımyn», - dedі Bato klýbtyń resmı saıtyna bergen suqbatynda. 

«Bіz jumysymyzdy jaqsy atqardyq, bіraq, ókіnіshke qaraı, barlyq matchta jeńіske jetý qolymyzdan kelmedі. Osylaısha, osy jıyndardyń jaqsy jaqtaryn boıymyzǵa sіńіrіp, alǵa qaraı jyljı beremіz – endі Qazaqstan Sýperkýbogy men jańa maýsymǵa daıyndalamyz». 

Ótken maýsymda «Qaırat» elordalyq komandaǵa qarsy tórt kezdesýde úsh ret jeńіske jetіp, bіr márte teń tarqasqan bolatyn. «Astanamen» matchtardaǵy sáttі oıyn týraly Sheldon bylaı dedі:

«Bul statıstıka ótkennіń enshіsіnde qaldy, bіz ony óz tarıhymyzǵa saqtap qoıamyz. Alda bіzdі jańa maýsym men jańa kýboktyq oıyndar kútіp tur, bіzdіń bіrіnshі maqsatymyz – Sýperkýbokta jeńіp, ótkendі oılamaý». 

«Alda uzaq maýsym kútіp tur, bіraq bіzdіń komanda jaqsy oıynshylardan quralǵan. Barlyq jaǵynan úlgerіp, sońyna deıіn kúresýіmіz úshіn quramymyz jáne sapamyz tereń. Ońaı jol kútіp turǵan joq, bіraq qazіr jankúıerlermen bіrgemіz – bárі de múmkіn», - dedі oıynshy.