«Қайраттың» капитаны Бауыржан Исламхан «Астанаға» қарсы матчтың нәтижесі туралы пікірін айтты.
- Матчтың бірінші минутынан-ақ ойынды өз қолымызға алдық. Қарсыласқа қысым жасап, бірінші таймда гол соққан едік, бірақ ең соңында қажет емес гол жіберіп алдық. Бұл бізге лайықты нәтиже емес, бізге тек жеңіс қажет және алға қарай басымызды тік көтеріп барғымыз келеді. Команданың атынан жанкүйерлерімізге стадионда көрсеткен қолдаулары үшін алғыс айтамын. Олардың қолдауы бізге қатты көмектесті.
Одан сайын барымызды саламыз, бізге қателесуге болмайды және өз мақсатымыз бойынша жылжи береміз.
