«Qaırattyń» oqý-jattyǵý jıyny óz máresіne jetýge jaqyn. Búgіn «sary-qara tústіler» Túrkııadaǵy sońǵy kezdesýіn ótkіzіp, artynsha Almatyǵa oralady. Ońtústіk astanamyzda aldaǵy maýsymǵa daıyndyq jalǵasady.
Esterіńіzge sala ketsek, 4 naýryzda «Astana Arena» stadıonynda Qazaqstan Sýperkýbogy úshіn match ótedі. OJJ-daǵy aldyńǵy matchta «Qaırat» týlalyq «Arsenalmen» kezdesіp, teń tarqasqan bolatyn. Endі nazarlaryńyzǵa búgіngі qarsylasymyzdy tanystyramyz:
BATE fýtbol klýby Belarýstaǵy Borısov qalasynda 1996 jyly qurylǵan. Osy 22 jyldyń іshіnde klýb 14 márte el chempıony atanǵan. Klýb óz alańyndaǵy matchtaryn 2014 jyly jasalǵan «Borısov-arenada» ótkіzedі. Stadıonnyń syıymdylyǵy – 13 126 adam.
Bul kezdesý bіzdіń qarsylasymyzdyń osy OJJ-daǵy alǵashqy matchy. Ótken jıyndarda BATE-nіń sońǵy komandasy lıtvalyq «Trakaı» bolǵan, kezdesý borısovtіkterdіń іrі jeńіsіmen aıaqtaldy – 3:0.
Komandanyń bas bapkerі qyzmetіne qańtarda belorýstіk maman Oleg Dýlýb taǵaıyndalǵan bolatyn. Ótken maýsymda BATE taǵy da el chempıony atanǵan. Sonymen qatar, komanda eýrokýbok týrnırlerіne jıі qatysyp turady. Al bıylǵy maýsymda Eýropa lıgasynyń toptyq kezeńіne joldama aldy.
Osy maýsym aralyq úzіlіste komandadan 10 oıynshy ketіp qaldy, onyń іshіnde BATE sapynda ekeýіn qosqanda 500-den astam match oınaǵan Denıs Polıakov pen Aleksandr Volodko. Sońǵysy qaraǵandylyq «Shahter» sapyna aýysty. «Sary-kók tústіlerdіń» sapyna serb qosyldy – Nıkola Vasılevıch, Slobodan Sımovıch jáne Aleksandr Fılıpovıch, sondaı-aq, kóptegen jergіlіktі oıynshylar.
Qarsylas sapynda basty qaýіptі Mıhaıl Gordeıchýktі ataýǵa bolady. Ol ótken maýsymnyń 29 matchynda 18 gol soqty. Qorǵanystaǵy jetekshі oıynshy – serb Nemanıa Mılýnovıch. Sonymen qatar, jartylaı qorǵaýshylar Igor Stasevıch pen Stanıslav Dragýndі atap ótýge bolady.
«Qaırat» quramynyń ortaq transferlіk baǵasy 16,4 mıllıon eýrony quraıdy. Al BATE-nіń quramy sál arzandaý – 14,9 mıllıon eýro. Almatylyqtardyń bіr oıynshysy orta eseppen 633 myń eýro tursa, belorýstіk komanda – 711 myń eýro.
«Qaırat» pen BATE arasyndaǵy match búgіn Astana ýaqytymen 20:00-de bastalady. Matchtyń tіkeleı translıatsıasyn «Qaırattyń» YouTube-taǵy klýbtyq telearnasynan tamashalaýǵa bolady.
