29 жастағы қорғаушы Сергей Кейлер келісімшарт мерзімі біткен соң «Қайраттан» кетті.
Сергей Кейлер – клубымыздың түлегі. Ол 2012 жылдың жазында 17 жасында «Қайсармен» өткен кубок ойынында негізгі команда сапында дебют жасаған еді. Ал келесі маусымда ол «Қайрат» сапында Премьер-лигада дебют жасады.
Келесі төрт жыл бойы Кейлер әртүрлі қазақстандық клубтарда жалға ойнап, 2018 жылы «сары-қаралар» қатарына оралды. Соңғы бір жарым жылдың ішінде Сергей командамыздың капитаны болды.
Ол негізгі командада жалпы 97 ойын өткізіп, 4 гол соғып, 9 нәтижелі пас берді.
