Алматыдағы №6 мектебінің балалары үшін бүгін шағын мейрам деуге болады – оларға «Қайрат Ж» командасының ойыншылары қонаққа келді. Жас оқушылармен кездесу таныстықпен басталып, жастар командасының ойыншылары сөз сөйледі. Олар қалай «Қайраттың» тәрбиеленушілері болғанын, клуб Академиясындағы жаттығу жұмыстары мен негізгі команда ойыншыларымен сөйлесу туралы айтты.
Доппен шеберлік сағатын өткізген соң №6 мектептің оқушылары мен «Қайрат Ж» ойыншылары арасында достық матчы ұйымдастырылды. Ойынның негізгі уақыты 2:2 есебімен аяқталды, ал пенальти сериясында біздің команданың ойыншылары басымдық танытты.
