«Қайрат-Жастар» бірінші бақылау ойынын өткізді. «Городея» Беларус клубы Кирилл Морунов командасының қарсыласы болды. Ойын Минск облысы өкілдерінің пайдасына 1:0 есебімен аяқталды.
Клуб академиясының ойыншылары жиналған «Қайраттың» жастар командасының қарсыласы өте жауынгерлік болды. Өткен маусымда футболшыларын «сахарники» деп атайтын «Городея» командасы Беларусь футболының жоғары дивизионында жетінші орында аяқтады. Сондай-ақ, үш күн бұрын Олег Радушко командасы «Қайсар» ФК-мен спарринг өткізгенін атап өту керек. 2019 - Қазақстан Кубогының иегері «Городея» командасын жеңе алмады. Ойын 2:2 есебімен аяқталды.
«Жастарға» қарсы кездесуді белосрустықтар жақсы қарқынмен бастады. «Городеяның» тәжірибелі және габаритті футболшылары қатал ойнаудан ұялмады. «Сары-қаралар» бұған прессингпен жауап берді. Матчтың алғашқы қауіпті сәті біздің қақпаға келді. Артем Архипов қақпаға дәл соққы бағыттап, бірақ Владимир Бирюков команданы қиындықтардан құтқарып қалды.
Он бес минут бойы қысымның астында ойнаған «сары-қаралар», жылдамдықта артықшылығын пайдалана бастады. Алайда, алматылықтарға нақты соңғы пас жетіспеді. Үзіліске қарсыластар 0:0 есебімен кетті.
Үзілістен кейін екі команда да жаңа ойыншыларды шығарды. Тең ойын жүрді, бірақ Белоруссия жылдам қарымта шабуыл нәтижесінде гол соға алды. Ақтық ысқырыққа дейін қайраттықтар бірнеше қауіпті сәттер жасады. Илья Демин гол соғуға жақын болды, ол бұрыштық жалаушадан берілген пастан кейін допты баспен штангаға соқты.
