«Қайрат» УЕФА Еуропа лигасының келесі кезеңіне жолдама алды.
«Қайрат» - «Энгордани» - 7:1
Голдар: Эппель, 4, 11, 44, 76, Эсеола, 42, Исламхан, 53, Вороговский, 87 – Ляфонт, 72
«Қайрат»: Владимир Плотников (Қ) - Ян Вороговский, Айбол Әбікен, Ғафуржан Сүйімбаев - Исламбек Қуат, Магомед Парагульгов, Акош Элек (46, Бато), Хуан Фелипе, Бауыржан Исламхан (К) (57, Жуков) - Адеринсола Эсеола (46, Швырев), Мартон Эппель.
Резерв: Стас Покатилов (Қ), Сергей Кейлер - Исаэль Барбоза, Самат Сәрсенов.
«Энгордани»: Хесус Кока (Қ) - Вальтер Вагнер, Кристиан Сельяй, Мигель Руис, Рафаэл Бриту - Луиджи Сан-Николас, Кристофер Поуса, Марио Спано, Хамза Бухарма - Себастьян Гомес, Брайан Фильямонте.
Резерв: Матео Родригес, Себастьян Варела, Брайан Манейро - Эду Пеппе, Морган Ляфонт, Фабиу Серра - Ларсен Туре.
«Қайрат» «Энгорданиге» қарсы қарымта матчта ешқандай қиындыққа кездеспеді. Матчтың алғашқы жартысында қайраттықтар қарсылас қақпасына төрт гол соқты: команда шабуылшысы Мартон Эппель хет-трик жасаса, бір голды алматылықтардың басқа бір жаңа ойыншысы Андеринсола Эсеола өз еншісіне жазды.
Матчтың екінші таймы да «сары-қаралардың» басымдығымен өтті. Бесінші голды команда капитаны Бауыржан Исламхан соқты. 72-минутта Ляфонт өз командасының жалғыз голын салды. Ал қалған уақытта Мартон покер авторы атанса, матч соңында Ян Вороговский ойын нүктесін қойды.
