2003 жылы туған «Қайрат» ФК Академиясының тәрбиеленушілері Мәскеудегі бірінші Еуразиялық клубтық футбол турнирінде екінші жеңіске жетті. Бұл жолы «сары-қаралар» «Саньяичжун» ФК командасын 10:0 есебімен жеңді.

Санья қаласының атынан келген «Саньяичжун» командасы 2016 жылы Бүкілқытайлық футбол біріншілігінде Хайнань провинциясы жастар тобының чемпионы атанды. 2017 жылы Хайнань провинциясының жастар футбол чемпионатында 2 орын алды. 2017 және 2018 жылдары Хайнань провинциясының U16 жастар футболында чемпион атанды.