Бүгін елордалық Футбол үйінде Blind Football-ды Қазақстандағы дамыту жоспары таныстырылды, оны FC Kairat Blind Football жобасының координаторы Шыңғыс Темірханов өткізді.
FC Kairat Blind Football жобасының координаторы Шыңғыс Темірханов Blind Football-дың (көру органдары зақымданған адамдарға арналған футбол) Қазақстандағы даму жоспарын таныстырды. Жиналысқа ҚФФ департаменттерінің жетекшілері, ҚР Премьер-лига клубтарының қаржылық құрылым өкілдері қатысты.
Шыңғыс Темірханов «Қайрат» ФК құрған команда туралы бейнематериал көрсетіп, футболдың бұл түрінің дамуындағы жетістіктері жайында айтты, сонымен қатанр, Blind Football-ды елімізде кеңінен тарату стратегиясымен таныстырды. ҚФФ бұқаралық футболды дамыту департаментінің директоры Ерлан Жамантаев жобаға қызыққанын айтты, себебі ол Қазақстандағы бұқаралық футболдың дамуында маңызды рөл атқара алады.
