«Қайрат» футбол клубы (Алматы, Қазақстан) 2019 жылғы маусымда Қазақстан чемпионаты, Кубогы мен Суперкубогы аясында өз алаңындағы матчтарға БАҚ/Ақпараттық агенттік өкілдерін аккредиттеуді бастағанын хабарлайды!
Аккредитацияға өтініш фирмалық бланкта, жетекшінің қолымен рәсімделіп, БАҚ / Ақпараттық агенттіктің мөрі қойылуы тиіс және мұнда төмендегідей ақпараттар көрсетілуі қажет:
- БАҚ / Ақпараттық агенттіктің атауы;
- Аккредиттелетін журналистер / телеоператорлар / фототілшілердің толық аты-жөні;
- БАҚ / Ақпараттық агенттіктің аккредиттелетін өкілдерінің электронды мекен-жайы, қызметтік және ұялы телефонының нөмірі;
- БАҚ / Ақпараттық агенттіктің пошталық мекен-жайы;
- БАҚ / Ақпараттық агенттіктің меншік иесінің құқықтық формасы мен атауы.
Аккредитация өтінішінде болуы тиіс:
- БАҚ / Ақпараттық агенттіктің аккредиттелетін өкілінің сандық форматта және ақ фонда түсірілген түрлі-түсті фотосуреті.
- Бұқаралық ақпараттық құралдар ісі бойынша уәкілетті органның БАҚ / Ақпараттық агенттікті тіркегені туралы куәліктің көшірмесі;
- БАҚ / Ақпараттық агенттіктің аккредиттелетін өкілінің қызметтік куәлігі / жұмыс орны анықтамасының көшірмесі.
Аккредитацияға өтініш 2019 жылдың 22 ақпанына дейін қабылданады, оны мына электрондық мекен-жайға жіберу қажет:
Аккредитацияға мынадай үлестер қарастырылған:
- Баспа БАҚ: 1 журналист және 1 фототілші;
- Телевизия: 2 журналист және 1 телеоператор;
- Радио: 2 журналист және 1 дыбыс режиссері;
- Ақпараттық агенттік: 2 журналист және 1 фототілші;
- Веб-сайттар: 2 журналист және 1 фототілші;
БАҚ / Ақпараттық агенттіктің аккредиттелген өкілдеріне 2019 жылғы маусымда «Қайрат» ФК-ның ҚР Чемпионаты, Кубогы мен Суперкубогында өз алаңындағы матчтарға кіруін растайтын куәлік береді, олар «Футболдан ҚР Чемпионаты мен Кубогының матчтарын өткізудің техникалық ережесінде» қарастырылған құқықтарға ие болады.
БАҚ / Ақпараттық агенттіктің басқа қаладан келген өкілдері «Қайрат» ФК-ның өз алаңындағы матчының басталуына 20 сағат қалғанға дейін өтініш білдірсе, оларға бір реттік аккредитация беріледі.
БАҚ өкілдері «Қайрат» ФК-ның өз алаңындағы матчтарына Алматы қ. Орталық стадионның 9-шы кіреберіс арқылы кіреді.
«Қайрат» ФК-ның өз алаңындағы матчтары барысында журналистерге берілетін орын:
«Қайрат» ФК-ның ҚР Чемпионаты, Кубогы мен Суперкубогында өз алаңындағы матчтары барысында жазба журналистер отыратын аймақ «Футболдан ҚР Чемпионаты мен Кубогының матчтарын өткізудің техникалық ережесінің» 2-бабы, 2.3-тармағында көрсетілген;
«Қайрат» ФК-ның ҚР Чемпионаты, Кубогы мен Суперкубогында өз алаңындағы матчтары барысында фототілшілерге арналған аймақ «Футболдан ҚР Чемпионаты мен Кубогының матчтарын өткізудің техникалық ережесінің» 2-бабы, 2.6- тармағында көрсетілген;
«Қайрат» ФК-ның ҚР Чемпионаты, Кубогы мен Суперкубогында өз алаңындағы матчтары барысында ресми хабар таратушы саналмайтын телекомпания өкілдерінің жұмыс істеу аймағы «Футболдан ҚР Чемпионаты мен Кубогының матчтарын өткізудің техникалық ережесінің» 2-бабы, 2.6- тармағында көрсетілген.
«Футболдан ҚР Чемпионаты мен Кубогының матчтарын өткізудің техникалық ережесінің» толық тексті төмендегі сілтемеде көрсетілген:
Аккредитациядан бас тарту / аккредитация сипаттамасы:
- БАҚ / Ақпараттық агенттік өкілінің «Футболдан ҚР Чемпионаты мен Кубогының матчтарын өткізудің техникалық ережесін» бұзуы;
- БАҚ / Ақпараттық агенттік өкілінің осы хабарламада көрсетілген аккредитацияға өтінім беру ережесін бұзуы;
- БАҚ / Ақпараттық агенттік өкілінің қоғамдық тәртіпті бұзуы;
- БАҚ / Ақпараттық агенттік өкілінің жұмыс берушімен еңбек келісімінің тоқтатылуы;
- БАҚ / Ақпараттық агенттік өз жұмысын тоқтатуы;
- Аккредиттелген БАҚ / Ақпараттық агенттіктің ақпараттық ресурстарында «Қайрат» ФК-ның ҚР Чемпионаты, Кубогы мен Суперкубогында өз алаңындағы матчтарынан тақырыптық репортаждар, сұқбаттар мен басқа да мақалалар / ақпараттық хабарламалардың болмауы.
- БАҚ / Ақпараттық агенттіктің ақпараттық бағытында спорт тақырыбы болмауы.
- БАҚ / Ақпараттық агенттік өкілдерінің «Қайрат» ФК кәсіби абыройы мен ар-намысын, іскерлік атақ-беделін бүлдіретін түрлі өтірік ақпараттар, қауесеттер немесе жала жабылған хабарламалар жазуы.
Бұрын акрредиттелген өкілімен еңбек келісімі бұзылған жағдайда БАҚ / Ақпараттық агенттік оның орнына басқа өкілін акрредиттей алады.
Ескерту: Қазақстан Республикасы Чемпионаты, Кубогы мен Суперкубогы матчтарының телетрансляцияларын ресми таратушы саналатын телекомпанияның өкілдерін «Футболдан ҚР Чемпионаты мен Кубогының матчтарын өткізудің техникалық ережесінің» 2-бабы, 2.2- тармағына сай Кәсіпқой футбол лигасы (ҚКФЛ) аккредиттеуден өткізеді.
