Т. С. Сегізбаев атындағы Академияның жас футболшылары үшін шеберлік сағаты өтті, оның тақырыбы – «Спорт және ақыл». Сабақтың басты мақсаты – спортта жетістікке қол жеткізу үшін білімді болудың маңыздылығын көрсету.

«Қайрат» тәрбиеленушілері шеберлік сағатының бірнеше тақырыбын бөліп алып, аналитикалық ойлау, эмоционалдық интеллект, логика және сыни ойлау сияқты түсініктер арасындағы айырмашылықтарын талқылады.

«Қайраттықтарға» ұлы футболшылардың үлгісімен ақыл-парасаттың жоғары болуы алға қойылған мақсатқа қол жеткізудің кепілі екенін дәлелденді. Семинардың лекторы «Ақылды Алматы» жобасының жетекшісі Дидар Марданов болды.