«Қайрат» бас бапкерінің қызметі атқарушы Андрей Карпович «Қызыл-Жар СК-ға» қарсы ойын нәтижесі туралы.
- Күткеніміздей, біз үшін ауыр ойын болды және қарсылас үшін де оңай болған жоқ деп ойлаймын. Ауа-райы жағдайы да қолайсыз. Бұл сапалы футбол болмады, бірақ бірнеше мүмкіндіктер жасай алғанымыз қуантады. Бірінші болып жақсы гол соқтық, тағы да салуға болар еді, алайда екінші голды соғып, ойынды аяқтау үшін шеберлік, кей тұста дәлдік не сенімділік жетіспей қалды.
Артынша, екі гол жіберіп, жеңіліп қалдық. Жеңіліске лайық болмағандай әсердеміз, бірақ нәтиже осындай. Қатарынан екінші матчта жеңілдік, әрине, бұл біз үшін өте жаман көрсеткіш саналады. Бірақ біз алға қарай жылжи береміз. Бас бапкер ретінде жеңіліс үшін өзім жауаптымын.