«Қайраттың» бас бапкері Алексей Шпилевский «Шахтерге» қарсы матчты қорытындылап, өз командасының ойынын бағалады, сондай-ақ бірінші таймның соңында болған эпизод туралы әңгімеледі.
- Алексей Николаевич, «Шахтерге» қарсы матчты қалай бағалайсыз?
– Мұндай матчта ұтылғанымыз өкінішті. Біз бірінші минуттан бастап бастаманы өз қолымызға алдық, бірақ өз мүмкіндіктерімізді іске асыра алмадық. Бұл спорт. Жеңіске жету үшін голдар соғу керек. Көптеген фазаларда ойын маған ұнады. Жігіттер барын салып, алға шабуылдады. Ауысулар, допты алып қою жағы жақсы болды. Соңғы кезеңде дәлдік пен жылдам шешім қабылдаулар жетіспеді, жиі допты ұзақ ұстап тұрды. Сәттер көп болды: Шушеначев Артурда бірінші таймда гол салатын мүмкіндік болды, Әбікен, Айымбетов, Эсеола. Барлығында ерекшеленуге мүмкіндік болды. Айып алаңындағы әрекеттерге, шабуылдарды аяқтауға байланысты жұмыс жасау керек. Жігіттердің бар ынтасымен жұмыс істегеніне риза болдым. Біз жинақы және агрессивті ойнадық. Жалғыз қателігіміз шешуші болды және өкінішке орай, голға әкелді. Егер біз жабық командаларға қарсы ойында бірінші болып голды жіберетін болсақ, содан кейін осындай мазмұнды қорғанысты ашу өте қиын. Таяудағы ай бізге пайдалы болуы керек. Сейдахмет жалпы топқа оралады, Эсеола оңтайлы кондициясын жинайды, Айбол Әбікен аурудан кейін өз-өзіне келеді.
- Бірінші таймда ойынды жалғастыра алмаған Дино Миканович ауыр зақым алды ма?
– Біз оны МРТ-ға апарамыз. Онымен аса күрделі ештеңе болған жоқ деп үміттенемін. Негізгі құрамның футболшыларының бірі маңызды матчта жарақат алды. Бірақ сол уақытта Диноны ауыстырған Камо Оганесянның ойынға жақсы кіргенін атап өткім келеді. Барын салғаны үшін оған рақмет. Дино толық тексеруден өтеді, содан кейін бәрі анық болады.
- Екіншісінде де амалсыз ауыстырылу болды. Гүлжигит мұндай көгалда бұлшықеттерінің «тез бітіп қалғанын» айтты…
- Жабынды ауыстыру, әрине, әсер етті. ОЖЖ кейін Гулжигит алғаш рет бастапқы құрамда шықты, көп энергия жұмсады, дриблингті, үдеуді жиі көрсетті. Оның үстіне, «Шахтердің» ойыншыларымен қақтығыстар көп болды. Соңында бұл әсер етті. Мен оның ойынына ризамын.
- Үзіліске берілген ысқырықтан кейін сіз қызыл карточка алдыңыз. Онда не болды?
- Біз допты ұстап, тез ауысып, қарсыластарға қарымта шабуыл жасадық, төреші оны аяқтауға мүмкіндік беру керек еді, бірақ ол ысқырып, ойынды тоқтатып тастады. Бұл мен келіспейтін алғашқы шешім емес еді. Мен эмоцияналды жауап бердім. Ешкімді қорлағым келмеді, болған жағдай мені таң қалдырды. Үзіліске берілген ысқырықтан кейін, эмоция үшін маған қызыл карточка беру керек пе ? Бұл қылығым үшін кешірім сұраймын. Мен матч кезінде эмоциялармен өмір сүремін. Әділетсіздік көрсем, әрдайым үнсіз қалмаймын. Екінші таймда төреші «Шахтер» қақпасына айқын пенальти тағайындамай тағы да қателесті.
