Алматылық «Қайраттың» венгриялық шабуылшысы Мартон Эппель «Ақжайыққа» қарсы матчтың қалай өткені жайында айтып, оралдық командамен ойынға жеңіліс туралы пікірін білдірді.

«Біз бүкіл ойын бойы қажетті деңгейде ойнамадық деп ойлаймын. Біз өте баяу әрекет еттік және шабуылдарды да аз жасадық. Ал біздің қарсыласымыз жақсы ойнады», - деді форвард.

Халықаралық матчтар кезіндегі үзіліс жайында Мартон былай деп жауап берді:

«Егер гол соқпасаңыз, бұл қашан да жақсы көрсеткіш емес, әсіресе өз алаңыңдағы ойындарда. Біздің осы тұрғыда жұмыс істеуіміз керек. Кейбір ойыншылар өз құрамалары сапында ойын өткізді, бірақ қазір қажетті қарқынға оралуымыз үшін уақыт бар. Біз ойынның нәтижесіне риза емеспіз, бірақ алда тағы тоғыз матч бар», - деп шабуылшы қорытындылады.