«Қайраттың» қапталдағы қорғаушысы Ғафуржан Сүйімбаев клубтың баспасөз-қызметіне «Ақтөбемен» матч қорытындысы туралы пікірімен бөлісті.
- Әрине, «Ақтөбемен» матчта осындай есеп тіркелгеніне қуаныштымыз. Ақтөбелік командаға қарсы кездесулер әрдайым ерекше болады, бұл жолы да өз жанкүйерлерімізді қуантуды қаладық.
Нәтижеге қарамастан, матч тартысты өтті. Әр сәтте доп үшін күресуге тырыстық. Бірінші таймда үш гол соға алғанымыз матчтың екінші жартысын өзімізге қолайлы өткізуге мүмкіндік берді.
Алда Шымкентте маңызды матч күтіп тұр, реванш алу үшін бар күшімізді саламыз.
